Thursday, January 11, 2007

ചെന്നൈ ഓപ്പണ്‍ ടെന്നീസ്‌ ഫൈനല്‍ ദൃശ്യങ്ങള്‍

ഇന്ത്യയിലെ ഏറ്റവും വലുതും ദക്ഷിണേഷ്യയിലെ ഏക ATP ടൂര്‍ണമെന്റുമാണ്‌ ചെന്നൈ ഓപ്പണ്‍. 400,000$ സമ്മാനത്തുകയുള്ള മത്സരത്തില്‍ മെന്‍സ്‌ സിംഗിള്‍സും മെന്‍സ്‌ ഡബിള്‍സും മത്രമേയൊള്ളൂ :-( ജനുവരി ആദ്യവാരം നടക്കുന്ന ചെന്നൈ ഓപ്പണ്‍ കലണ്ടര്‍ വര്‍ഷത്തിലെ ആദ്യത്തെ ടൂര്‍ണമെന്റാണ്‌.

ഈ വര്‍ഷം റാഫേല്‍ നഡാലും കാര്‍ലോസ്‌ മോയയും മത്സരിച്ചെങ്കിലും രണ്ട്‌ പേരും സെമിയില്‍ പുറത്തായി. നഡാലിനെ സെമിയില്‍ തോല്‍പിച്ച ബെല്ജിയംകാരനായ സേവ്യര്‍ മാലിസും മോയയെ തോല്‍പിച്ച ആസ്ട്രിയക്കാരനായ സ്റ്റെഫാന്‍ കോബെക്കും തമ്മിലായിരുന്നു സിംഗിള്‍സ്‌ ഫൈനല്‍. ഏകപക്ഷീയമായ മത്സരത്തില്‍ 6-1, 6-3 എന്ന സ്കോറില്‍ മാലിസ്‌ സിംഗിള്‍സ്‌ കിരീടം നേടി.

ഡബിള്‍സില്‍ മാലിസും ഡിക്ക്‌ നോര്‍മനും ചേര്‍ന്ന സഖ്യം നഡാല്‍ - ബാര്‍ട്‌ലൂം സാല്‍വാവിഡാല്‍ കൂട്ടുകെട്ടിനെ വാശിയേറിയ ഫൈനല്‍ മത്സരത്തില്‍ 7-6, 7-6 എന്ന സ്കോറിന്‌ പരാജയപെടുത്തി. പരസ്പരം ഒരു ഗെയിം പോലും ബ്രേക്ക്‌ ചെയ്യാന്‍ കഴിയാതിരുന്ന കളിയില്‍ ടൈ ബ്രേക്കറാണ്‌ വിധി നിര്‍ണയിച്ചത്‌.

ഫൈനല്‍ മത്സരത്തിനുള്ള ടിക്കറ്റുകളെല്ലാം വളരെ നേരത്തെ വിറ്റഴിഞ്ഞിരുന്നു. ഒടുക്കം ഇരട്ടിപ്പണം കൊടുത്താണ്‌ ടിക്കറ്റ്‌ ലഭിച്ചത്‌. 100 രൂപയുടെ ടിക്കറ്റുകള്‍ 400ഉം 500ഉം രൂപക്കാണ്‌ ബ്ലാക്കില്‍ വില്‍ക്കുന്നുണ്ടായിരുന്നത്‌.


ടൂര്‍ണമെന്റ് നടന്ന SDAT ടെന്നീസ് സ്റ്റേഡിയം


മാലിസിന്റെ സര്‍വ്


സിംഗിള്‍സ് സമ്മാനദാനം


സേവ്യര്‍ മാലിസ് & ഡിക്ക് നോര്‍മന്‍


റാഫേല്‍ നഡാല്‍ & ബാര്‍ട്‌ലൂം സാല്‍വാവിഡാല്‍


നഡാലിന്റെ സര്‍വ്വ്


മാധ്യമപ്പട


ഡബിള്‍സ് സമ്മാനദാനം


ഞാനും എന്റെ കാറും :-)

9 അഭിപ്രായങ്ങള്‍:

  1. Siju | സിജു said...

    ഫൈസല്‍ക്കായുടെ ഏഷ്യന്‍ ഗെയിംസ് റിപ്പോര്‍ട്ടിംഗിനോടുള്ള അസൂയയുടെ പരിണിത ഫലം - ചെന്നൈ ഓപ്പണ്‍ ടെന്നീസ് ഫൈനല്‍ ദൃശ്യങ്ങള്‍.

    1. അസൂയ നന്നല്ല, ആന മുക്കുന്നതു കണ്ട് അണ്ണാന്‍ മുക്കരുത്.
    2. അസൂയ നന്നല്ലെങ്കിലും ബ്ലോഗിലെ പൊടി തട്ടാന്‍ ഉപയോഗിക്കാം

  2. ബിജോയ്‌ മോഹന്‍ | Bijoy Mohan said...

    എന്തുപറ്റി പടങ്ങള്‍ക്ക് ഒരു brightness കുറവ്. അധികം focus ചെയ്യാന്‍ പറ്റുന്നില്ലേ...???

  3. തമനു said...

    അഞ്ചാമത്തെ പടത്തില്‍ ആറു പെണ്‍പിള്ളേര്‍ നില്‍പ്പുണ്ടെങ്കിലും നാലെണ്ണത്തിന്റെ പേരേ എഴുതിയിട്ടുള്ളല്ലോ ... അതെന്താ ..

  4. Siju | സിജു said...

    ബിജോയ് ചേട്ടാ, കളികളൊക്കെ രാത്രിയായിരുന്നു. നന്നായി എടുക്കണമെങ്കില്‍ കാശു കൊടുത്തു നല്ല കാമറ വാങ്ങണം :-) ഒരു നാള്‍ ഞാനും ...

    ഉത്തമന്‍ ചേട്ടാ, ഇഷ്ടപെട്ടു. ചീര്‍ ലീഡേഴ്സാ.. അവര്‍ ചീറുന്ന കുറച്ചു ഫോട്ടോസ് കൂടിയുണ്ട്, ഇവിടെ ഇടാഞ്ഞതാ, അയക്കട്ട് ?

  5. ദില്‍ബാസുരന്‍ said...

    അളിയാ,
    ആ ചീറുന്ന ഫോട്ടോസ് മെയില്‍ വിട്. പിന്നെ കാറ് റോള്‍സ് റോയ്സല്ല അല്ലേ.. ഛായ്.

    (അയ്യോ വര്‍ത്തമാനം പറയാന്‍ സമയമില്ല. അബുദാബിയിലേക്ക് ലിഫ്റ്റ് കിട്ടണമെങ്കില്‍ ഷാര്‍ജ വരെ ഷേറിങ് ടാക്സീല്‍ പോണം. പോട്ടെ) :-)

  6. സഹൃദയന്‍ said...

    സിജൂക്കാ........ഇതാ നിക്കോണിന്റെ കാമറ വച്ച് തട്ട്യേക്കണേല്ലെ

  7. Siju | സിജു said...

    ദില്‍ബനളിയാ.. ഇതു ഞാന്‍ ടെന്നീസ് കാണാന്‍ പോകുമ്പോള്‍ കൊണ്ടു പോകുന്നതാ. ഛായ് കുടിക്കാന്‍ പോകുമ്പോള്‍ റോള്‍സ് റോയ്സ്

    സഹൃദയനിക്കാ.. ഇതു ലതു തന്നെ

  8. chithrakaranചിത്രകാരന്‍ said...

    sorry for disturbance. this is not an ad.,only a test to pinmozhi.kindly remove this after u read.
    പ്രിയ ബ്ലോഗ്ഗ്‌ വായനക്കാരെ,
    ബൂലൊകത്തെ വിഭാഗീയ പ്രവര്‍ത്തനങ്ങളുടെ ചുക്കാന്‍ പിടിക്കുന്ന ചിലരുടെ ശ്രമഫലമായി ചിത്രകാരന്റെ ബ്ലൊഗിലെ കമന്റുകളൊന്നും പിന്മൊഴികളില്‍ തെളിയുന്നില്ല.
    സുഖിപ്പിക്കല്‍ ഗ്രൂപ്പ്‌ പ്രവര്‍ത്തകരുടെ ബാലിശമായ ഈ നിലപാട്‌ അവരുടെ ഇടുങ്ങിയമനസിന്‌ ആശ്വാസം നല്‍കട്ടെ എന്നാശിക്കാം.മലയാള ബ്ലൊഗ്‌ ലോകത്തെ ഒരു നേഴ്സറി സ്കൂളിന്റെ വലിപ്പാത്തിനപ്പുറം (ബ്ലൊഗ്‌ അംഗസംഖ്യയില്‍)വികസിക്കാന്‍ അനുവദിക്കാത്ത ചില ബാലമനസുകളുടെ ഈ വിക്രിയയെ മലയാള ബ്ലൊഗ്‌ കുത്തകവല്‍ക്കരണ ശ്രമമായി തന്നെ കാണെണ്ടിയിരിക്കുന്നു. നിലവിലുള്ള നന്മനിറഞ്ഞ മലയാളം ബ്ലൊഗ്‌ വഴികാട്ടികള്‍ക്കു പുറമെ ഭാവിയില്‍ ഇനിയും നല്ല സാങ്കേതിക പരിജ്ഞാനമുള്ളവരും സഹിഷ്ണുതയുള്ളവരുമായ മനുഷ്യര്‍ മുന്നൊട്ടു വരാന്‍ ഇത്തരം ഗ്രൂപ്‌ കുതന്ത്രങ്ങള്‍ക്ക്‌ കഴിയട്ടെ !!!!!യൂണിക്കൊട്‌ മലയാളം കെരളത്തിലെ ഇന്റര്‍നെറ്റ്‌ കഫെകളിലൂടെ വ്യാപകമാക്കുന്നതിലൂടെ മലയാളബൂലൊകത്തിന്‌ "പ സു"ക്കളുടെ തൊഴുത്തില്‍നിന്നും മോചനം ലഭിക്കുന്ന തരത്തില്‍ ഒരു വികാസം ഉണ്ടാകുമെന്ന് ഉറപ്പാണ്‌. ഇപ്പൊള്‍ കഫെകളില്‍ അശ്ലീലത്തില്‍ മുങ്ങിത്തഴുന്ന കുട്ടികള്‍ക്ക്‌ ആകര്‍ഷകവും ക്രിയാത്മകവുമായ ഒരു ലൊകം പകരം നല്‍കാനും ഇതിലൂടെ സാധിക്കും.

    http://chithrakaran.blogspot.com

  9. ജയകൃഷ്ണന്‍ said...

    മൊനെ സിജുവേ കാറ് ഉടനെ rege: ചെയ്യണം